Kryeministri Edi Rama, teksa po diskutonte për lehtësirat që do të ofrohen për shërbimet e bizneseve dhe qytetarëve, në çështjet që kanë lidhje me institucionet shtetërore, foli dhe për “timonin”, një nga elementët më të rëndësishëm të fushatës së tij në 2017-ën.
Rama u shpreh se ka vetëm një timon që e ka marrë në zgjedhjet e shkuara që e kërkon prapë pasi do ta kthejë Shqipërinë në të ardhmen për djalin e tij të vogël.
“Nuk flas me emrin tuaj, sepse unë s’e ngas makinën, unë një timon kam që ma dhatë në 2017-ën e nuk e dua për veten, por për ju, sepse dua që biri im ai i vogli të rritet këtu dhe ta lë shtëpinë sepse ka dëshirë të iki në një vend tjetër, e jo se nuk i mban shtëpia e tyre. Sa keni hequr për lejet e qarkullimit, të gjithë ndërveprimet, siç bëhet sot, revolucion. Po kush i bëri, Bill Gates? Se disa e thonë i solli koha, por pse nuk erdhi më herët. Nuk e kishim dëgjuar Shqipërinë digjitale, janë po ata që duan sot t’i rikthehen”, tha Rama.